Dýr eru betri til að nota til tilraunna ern manneskjur

 

 

 

Það er svo mikið að gera, við erum en að setja upp eldhúsið, og steypa upp vegi. Bara nokkrar vikur eftir af skólanum, og allt er á þeytingi þar.

Á föstudaginn er Rundgang í Kunstakademiuni, þar sem sonur minn er. Að sjálfsögðu ætla ég þangað. Ætla í leiðinni að fara með Morten vini mínum á nokkrar sýningar sama dag eftir vinnu. Helgin verður notuð í dásamlega garðinn minn

Ég er orðin eitthvað svo svört í skrifunum mínum þessa dagana, en ekki misskilja það, ég hef það fínt, er bara alltaf að hugsa um hvað er hægt að gera til að gera heiminn betri stað að vera á. Meðal annars að vera hamingjusöm en að vera meðvitum um það sem er að gerast í kringum mig.Mér finnst það mjög mikilvægt að við séum meðvituð um það sem er að gerast í heiminum, sérstaklega þegar það er gert á kostnað einhvers, hvort sem það er manneskjur, dýr eða náttúran.

.Gunni er kokkur í stóru fyrirtæki í Danmörku sem heitir Novo Nordisk, sem ekki væri frásögu færandi nema að ég las nýverið að þetta risa fyrirtæki notar 50,000 tilraunardýr á ári.  97 % eru mýs en einnig eru hundar, kanínur, grísir og marsvín!  En þetta fyrirtæki hefur gert það sem mér finnst svo frábært er að árið 1990 buðu þeir dýraverndunarsamtökunum hérna í DK til að í sameiningu að finna út úr hvað fyrirtækið gæti gert til þess að tilraunardýrin gætu haft það betra í fyrirtækinu. Þetta finnst mér mjög gott framtak. Enda var fyrirtækið kosið árið 2002 sem “Aarets dyreværn af Dyrenes beskyttelse”. Það sem fyrirtækið gerði m.a var að hundarnir fengu svæði sem er á stærð við nokkra fótboltavelli. Grísirnir fengu vatnspolla til að baða og leika sér í, kanínurnar og marsvínin eru nú á stórum svæðum. Mýsnar fengu stærri búr. Dýrin fengu einnig leikföng og gulrætur og fl. grænmeti til að naga í., í staðin fyrir áður þá fengu dýrin bara þurrfóður. Novo Nordisk hefur ákveðið að það eru ekki lægstu kröfur sem krafið er af yfirvöldum, sem þeir vilja bjóða dýrunum. Þeir eru alltaf að þróa sig til að verða betri í þessu. Fyrir mér er þetta allt alveg sjálfsagður hlutur, dýrunum er fórnað oft á hræðilegan hátt, og okkur ber skylda til að gera þeim þetta eins bærilegt og mögulegt. Svona hefur þetta bara ekki verið, og þess vegna varð ég svo glöð þegar ég sá þessa grein um Novo Nordisk. Það koma örugglega fl. fyrirtæki sem gera það sama einhveratíma í framtíðinni.

 

Sá fyrirsögn: Dýr eru betri til að nota til tilrauna en manneskjur ! Já en dýrin hafa ekkert val, þau eru þvinguð til að vera með. Það hlýtur að vera hægt hjá stórum fyrirtækjum að koma sér saman um tilraunirnar, þannig að það sé ekki verið að gera sömu tilraunina á mörg hundruð dýrum í mörgum fyrirtækjum í heiminum, en ég held að það verði langt í það, því dýrin eru ekki metin mikils. Ef það væru manneskjur, væri örugglega reynt að nota bara eina manneskju í eina tilraun. Í Danmörku eru notuð 350.000 dýr í tilraunir á ári. 80 prósent eru mýs og rottur, 6 % marsvín og kanínur. Restin eru kisur, grísir,kindur og geitur. EU kemikalereform (veit ekki hvað það heitir á íslensku) Sem á að kortleggja þau efni sem eru í umferð í heiminum í dag, krefst þess að nota 12 milljónir, FLEIRI dýr til tilrauna á ári.  120 af þessum efnum sem er verið að tala um vitum við þegar að eru hættuleg, og bara að testa þau efni krefst 350,000 dýra. Það er sorglegt þegar líf dýranna eru einskis metin. 

Ég veit að mörg ykkar pirrast yfir því sem ég hef skrifað núna en bara svona til að koma með svolitla sjokk tölu þá er slátrað 120.milljón kjúklingum á ári í DK, og innan EU tölum við um marga milljarða.

 

Ég geri mér fulla grein fyrir að mörgum finnst mikilvægt að nota dýr til rannsókna, m.a læknavísindi. En ef við þurfum að gera það ber okkur skylda til að þau hafi líf og aðstæður sem eru sæmandi!

 

Vil bara bæta aðeins við og segi eins og hún Katrín bloggvinkona min myndi segja meira Ljós meira Ljós.

Eigum við ekki öll að senda Ljós til blessuðu dýrana, það hjálpar !!

 

Og hana nú, pistill dagsins.

Set lítið ljóð um fugla, svo þið farið með vont og gott héðan.

Ljós og Kærleikur til ykkar og allra hinna.

Kvæðið um fuglana

Snert hörpu mína himinborna dís,
svo hlusti englar Guð í Paradís.
Við götu mína fann ég fjalarstúf
og festi á hann streng og rauðan skúf.

Úr furutré sem fann ég út við sjó
ég fugla skar og líka úr smiðjumó.
Í huganum til himins oft ég svíf
og hlýt að geta sungið í þá líf.

Þeir geta sumir synt á læk og tjörn,
og sumir verða alltaf lítil börn.
En sólin gyllir sund og bláan fjörð
og sameinar með töfrum loft og jörð.

Ég heyri í fjarska villtan vængjaþyt.
Um varpann leikur draumsins perluglit.
Snert hörpu mín himinborna dís,
og hlustið,englar Guðs í Paradís.
^{Atli Heimir Sveinsson/Davíð Stefánsson}

 

Athugasemdir

[halkatla, 30.5.2007 kl. 15:38]

ef fólk pirrast yfir þessum skrifum þá getur það bara átt sinn pirring í friði. Þetta með dýratilraunirnar er einmitt það málefni sem ég og vinkona mín sem er læknir tölum ekki um. Við getum það ekki og höfum bara samkomulag um að þegja. Ég hef næstum ekkert umburðarlyndi fyrir þessum prófunum - af því að ég veit að dýralífinu er oftast fórnað fyrir hégómlegt kukl og sjaldnast er verið að leysa læknisfræðileg vandamál með þessu - og þessvegna ætla ég ekki að tala meira um þetta að sinni. Það er vitað að það er hægt að gera betur og að það er hægt að nota mannfólk og að það er oft miklu betra, en sumir hafa talið sér trú um hið gagnstæða og það er þeirra misskilningur.

Lifi ljósið

[Guðsteinn Haukur Barkarson, 30.5.2007 kl. 18:36]

Þú talar alveg frá mínu hjarta Steina ! Guð blessi þig fyrir þessa vönduðu og góðu grein ! Það er þörf á fólki eins og þér til þess að vekja umræðu um hrottalega meðferð dýra á tilraunastofum hálf geggjaðra vísindamanna !

[Guðrún Þorleifs, 31.5.2007 kl. 10:35]

Gangi þér vel með allt þitt Vona að veðrið verði gott á Sjálandi um helgina  

[Katrín Snæhólm Baldursdóttir, 31.5.2007 kl. 19:13]

Knús til þín fyrir að vera eins og þú ert.

[Guðsteinn Haukur Barkarson, 31.5.2007 kl. 20:37]

Steina mín, ég var að gera samantekt á verkum norska myndlistarmannsins Odds Nerdrum á blogginu mínu, þar sem við erum bæði myndlistarfólk, er ég viss um að þú hefur gaman að þessu!

[Ásthildur Cesil Þórðardóttir, 31.5.2007 kl. 22:07]

Æ ég verð bara sorgmædd að hugsa um öll þessi ósköp.  Og líka hvernig menn telja plöntur ekki með, það er alltaf ráðist á gróðurinn frekar en steinsteypuna, því steinsteypan er "dýrari" en plönturnar.  Og ég verð svo reið, þegar ég sé að það er búið að fjarlægja plöntur sem ég hef hlúð að og haldið lífi í af því að þær eru ekki nógu fallegar, eða hreinlega það þarf að hafa eitthvað annað, eins og í dag þegar ég fór inn á tjaldsvæði ísfirðinga í Tunguskógi og sá að birkihekk sem ég hafði lagt mikla vinnu í og var að tosast upp, komið fyrir vind, hafði verð hreinsað í burtu, og í staðinn settur víðir, víðir, sem alltaf er fullur af lús, og inn í skógi þar sem birkið á sinn rétt.  Ég var svo reið inn í mér.  Og þeir hafa þar að auki örugglega hent plöntunum.  Myndu þeir henda einhverju "lifandi" jafnvel nokkur hundruð músum ? Nei, þá hefðu dýraverndunarmenn komið og sagt nei.  En af því að við skynjum ekki plönturnar, þá er allt ílagi að murka úr þeim lífið. 

How little do we know about the world, ég segi ekki meir.  Hve lítið vitum við, og skynjum?

[halkatla, 1.6.2007 kl. 00:12]

þetta er slæmt Ásthildur. Fólk sýnir ekki næga virðingu fyrir lífinu. 

[Margrét M, 1.6.2007 kl. 11:45]

gangi ykkur vel með eldhúsið

[www.zordis.com, 1.6.2007 kl. 22:18]

Segi eins og Jóna Ingibjörg .... Gerum heiminn betri.  Vid getum öll brugdist vid og lagt okkar á vogarskálar!  Takk.

[Solla Guðjóns, 2.6.2007 kl. 03:59]

Held að þessi pistill geti varla valdið pirringi hjá nokkrum .Allir vita um blessuð dýrin sem notuð eru í tilraunaskyni,færri held ég að viti að það sé farið að gera líf þeirra dýra sem er fórnað í þágu vísinda og mannkynsins einhvers.Þetta eru kærkomnar fréttir fyrir mig og hafðu þökk fyrir.

[Steinunn Helga Sigurðardóttir, 2.6.2007 kl. 06:41]

kæru öll takk fyrir öll komment se eru svo mikið vel þegin, cesil ég er hjartanlega sammála þér um það sem þú skrifar um plönturíkið, þar er málum mikið ábótavant. bara að bretta upp ermarnar og vinna að þeim málum. þetta sem þú skrifaðir minnir mig á Bryndísi Schram þegar hún slóst við vinnumenn sem rifu upp runna í Mosfellsdalnum. sú barátta sem hún sýndi þar finnst mér frábær. að vera athugull

anna ég þekki þessa tilfinningu sem þú skrifar um,ég á vini sem vinna við rannsóknir, og það er ekki alltaf auðvelt. róm var ekki byggð á einum degi, svo það er bara að breiða út boðskapinn hægt og rólega. Frans Assisi var vinur dýranna, og sennilega upphafsmaður og vi' höldum áfram því sem hann byrjaði á.

guðsteinn :ég kíki svo sannarlega á þetta í dag ! takk fyrir að benda mér á það.

.Ljós og kærleikur til ykkar allra 

[Steinunn Helga Sigurðardóttir, 2.6.2007 kl. 06:56]

kæru öll takk fyrir öll komment se eru svo mikið vel þegin, cesil ég er hjartanlega sammála þér um það sem þú skrifar um plönturíkið, þar er málum mikið ábótavant. bara að bretta upp ermarnar og vinna að þeim málum. þetta sem þú skrifaðir minnir mig á Bryndísi Schram þegar hún slóst við vinnumenn sem rifu upp runna í Mosfellsdalnum. sú barátta sem hún sýndi þar finnst mér frábær. að vera athugull

anna ég þekki þessa tilfinningu sem þú skrifar um,ég á vini sem vinna við rannsóknir, og það er ekki alltaf auðvelt. róm var ekki byggð á einum degi, svo það er bara að breiða út boðskapinn hægt og rólega. Frans Assisi var vinur dýranna, og sennilega upphafsmaður og vi' höldum áfram því sem hann byrjaði á.

guðsteinn :ég kíki svo sannarlega á þetta í dag ! takk fyrir að benda mér á það.

.Ljós og kærleikur til ykkar allra